總瀏覽量

2011年8月5日

灣仔邦邦買樓記之二 ---- 普裝變豪裝,好窄變豪宅



原本,邦邦希望投資吓股票,基金之類,擺低一筆本金,每月支取一筆洗費,我問佢阿媽幾多錢至夠洗,佢話$7,000-8,000蚊啦。咁我地計一計,即係放低500,000萬本金,每年有20%回報,每個月按時撳錢ATM零用錢,咁筍嘅投資我都想揾呀!! ($500,000 x 20% = $100,000, 12個月 = $8,300)

你買基金,一出一入行政費手續費,任何基金都冇可能咁樣應酬你喎,更冇可能為妳一個人Tailor made,而我地只提供季報,冇可能提供One to One Service。不如你自已揸番莊啦,投資嘅錢一定唔可以係救命錢,何況仲係老人家嘅血汗退休金,買樓用嘅,你比我都唔敢要。

邦邦都同媽咪如實咁講左一次,同埋明白大約的風險,而佢只係覺得呢筆錢唔係放係我地度,都會用黎買出面的基金,咁如果呢個基金透明的,而提錢/入錢可以flexible的,咁佢覺得應該都唔會連全部本金都無嘅,而且,邦邦諗從中都學到投資的野既。

後來,邦邦隔咗一排告訴我,當時是三月份,佢地用咗一舊Cash$75.00買咗941。聽到我幾乎暈過去! OMG,第一,要買都唔係一炮Fing落去;第二,買都唔係買中移動啦,過去嗰150日,941一路坐坐坐艇,衰失了很多機會。如果你係成舊Cash590,咁全屋可以由普裝變豪裝,好窄變豪宅,又後來,邦邦告訴我買咗樓啦,8月搬入去,原來雜費差不多十萬,交首期 $120萬,稅而家唔知幾錢,裝修未知幾錢(報緊價),成副身家可能只剩廿幾萬。

咁跟住點呢?上文我提到「開源、節流同投資」

其實呢度先係故仔嘅開始,佢好中意做手作同埋影相,但手作好花時間,影相,一般都同啲親戚朋友newborn/family影,所以呢幾個月都搵D結左婚或者生左B的朋友/同事俾邦邦影(大部份用星期日,紅假時間),有時唔駛錢,有D收幾百;而家轉左份工,可以坐角落位,所以呢個月偷時間做自己野,咁橋有個舊同事(佢都quit左份工然後轉開Playgroup,但其實唔算好熟)問佢係佢度搞workshop教媽咪影相,但想pro D,所以臨急整左個網頁同埋準備下leaflet,影相都係睇網/youtube(當然以前番學有學過,平時影D生活野)呢批就係佢嘅作品,好有art sense, 構圖也不錯。

www.capturedbybonnie.com


邦邦想以freelance形式開始做呢樣野,然後佢係朋友度又識左幾個陪月的姨姨,又有諗過去搵陪月公司及playgroup同佢合作,但好多問題佢自己未必諗得到,開BRbank account,傾合作的presentation/係咪要準備一份簡單合約/Quotation,靠佢自己一個唔知會唔會做得到。

同時有個做開化妝的朋友提議找另外2人和她開一間production house,用萬幾蚊係上環度share租舖,做婚禮攝影/開班/化妝/BB攝影,但佢覺得時間未必分配到,而且同人合作好似好複雜,一大堆問號???????

近排,邦邦好HAPPY,因為佢成功CALL10FAMILIES8月俾佢影,佢都係用facebook試下,D朋友POSTD相,佢地的朋友同埋親戚都有興趣影,原來真係WORK架,另外有個朋友10月去布吉都邀請邦邦,跟去影佢地FAMILY同埋影D後結婚相,同埋都有朋友介紹左個朋友俾佢影大肚相,這些都已經令邦邦好HAPPY!

我看到佢不斷Update自己的近況我知,我都老懷安慰,金融財經投資世界的事你沒我懂,但是成功的條件有很多,技術,能力,人脈,分析及好的創意,而且還要識別人生中真實的火花,這火花很稀少,但是星星之火可以燎原,一旦你發現他,就要捉住他不放。
邦邦始終返緊一份正職,幫補屋企做秘撈,唔方便亦不宜明目張膽咁做,有任何查詢可揾我代轉 (jimmymastina@gmail.com),我做吓義工冇所謂。我地私竇個studio咪攞去用囉,揾食架生齊曬,呢啲咪係坐言起行,鼓勵年青人創業囉。

                           

沒有留言:

張貼留言

注意:只有此網誌的成員可以留言。