天后創業秘笈二

日前提到，天后區的商業地段由幾條小街組成，分別是琉璃街、留仙街、帆船街、清風街及電氣道，以永興街為終點。近地鐵站是頭段，近永興街是尾段，大家睇吓呢間仁德地產，名不見經傳，卻可以在中原、美聯、利嘉閣高手大鱷中生存。此龍頭位，租金成五六萬，兩百呎不到，老板原本在同一位置搞藥房的後生仔，搞搞吓搬咗去隔鄰更大的店面繼續營業，原位置就整咗間地產舖，兩公婆分頭睇，至於佢旁邊的家品店，租金由五萬加到六萬幾，屹立天后區成十年，貨品選擇多，老板眼光獨到，淨係賣迪士尼書每個月都幾皮嘢。

天下間最好的生意，就是收Cash的生意，行過少少麵包鋪蕙蘿，祖孫新抱日日收Cash收到手軟，但係一年365都請唔到人，要揾兼職嘅朋友可考慮早上7:00 – 10:00返早班，中午過場休息，晚上去甜姨姨做多份Part Time晚班，咁你每個月身家一定多個0，一日三餐有人包了兩餐。

介乎琉璃街及清風街此段電氣道是Heart of Tin Hau，贏大錢就睇呢度，AAA，要提一提琉璃街及清風街呢兩間Corner位的生果鋪及Sillyboo Yogurt，佢地代表一個天和一個地，生果鋪老板是一個殘疾人，老板娘是一個鄉音未改的大陸人，此店日日24小時營業，日日阻街，日日比城管抄牌，但是我睇住佢發達，換靚車，而家可能比罰款比到手軟，索性搬去旁邊的執笠時裝鋪。至於清風街的Sillyboo，去年排長龍，今年拍烏蠅，肯定唔夠交租Bye Bye囉。

位於晶晶糖水嘅順豐排骨麵，老板原在銅鑼灣美味廚打工，原本在街尾開小店，揾到錢就搬去中段開間大店，出品唔錯，可惜管理甚差，否則可以大多一倍。

天后區的創業成本低，只要你有heart，有人手，我都未見過一間執笠，本區臥虎藏龍的消費者特多，熟客非富則貴有人情，不過要揾樓揾鋪，千萬要避開呢間天后物業，同埋電氣道68-72號此段，這是一位天后老街坊的忠告，能力負擔到嘅，首選維園花園，這裡風水特佳，人財兩旺。

天后區Bye Bye囉。不過，I’ll be back。

Beware N0.68-72!

                             

有人比舊金我

尋日獲世界黃金協會World Gold Council邀請，出席「黃金暢想」中國金飾設計大賽獲獎作品深圳巡展暨「中國創造」金飾設計精英論壇，主辦方仲送咗舊金比我，嘩！金價USD 1624新高喎，一睇，原來是4GB USB，多謝喎。

「AuDITIONS黃金暢想」(中國) 金飾設計大賽是譽為黃金首飾設計行業的奧斯卡獎，並以鼓勵「中國設計」 和「中國創造」為宗旨，致力於推動金飾設計及金飾加工工藝的發展和進步。深圳乃中國最大的金飾加工基地，因此協會特別安排於深圳展出此大賽獲獎作品，同時舉行「中國創造」金飾設計精英論壇，邀請各界知名人仕出席(不過我唔係)，並發表有關創意及設計的心得，藉以幫助提升國內設計師水準。展覽在深圳水貝TTF國際珠寶設計大廈舉行，呢座嘢法國意大利CCTV, 鳳凰衛視, CNN都來過採訪，主要是培訓中國Designer，十分Space age，靚到冇嘢講，TTF老板吳峰華更是第一個中國品牌獲邀參加Basel珠寶展，多謝世界黃金協會Simon哥的安排也多謝Rudi的推介。

去開SZ足浴按摩食海鮮，行過去睇吓啦，話唔定有金執。

                              

天后創業秘笈

月尾一到，我就是揮淚搬離這個我成長及置業，生活咗N年的天后區，天后是一個住宅及商業混雜的小區，一般人對天后的印象就是食、糖水、六四燭光晚會、工展會集散地、年宵市場。作為一個天后老街坊，這裡其實有好多嘢好做，本區臥虎藏龍的消費者特多，天天有靚車拍街任抄牌，包括賓利、林寶、法拉利、保時捷、平治多過一號車場同埋法國康城。

天后區的商業地段由幾條小街組成，分別是琉璃街、留仙街、清風街及電氣道，以永興街為終點。同其他旺區不同，天后的陰陽街效應並不明顯，只是頭段尾段人流差異，除非你經營得特別差，否則都可以生存下來。
在本區能夠生存並賺大錢的，首推五大行業：分別是甜品、師奶衫、Facial、地產鋪同埋健康食品，首先講衣食住行中之食，小本創業首選：糖水鋪。

 呢度賣糖水始祖是晶晶，晶晶老板Cool爆，不苟言笑，我試過比一舊金佢，係一舊黃金，佢除咗多謝之外都冇兩句，晶晶保守估計每月生意近四十以上萬，多年來十分穩定，以傳統甜品為主打，即使附近這五年開多了七八間唔同類型的糖水鋪，晶晶完全不受影響，亦毋須更改餐牌去應變，你嚟就嚟，唔嚟就死開，生意策略同老板性格一樣是木口木面，定海神針。

天后糖水第二勢力，一定是位於清風街天橋底的甜姨姨，佢東南西北被幾家私房菜、火鍋、海鮮及印度菜包圍，月租由最初兩萬幾加到近四皮幾嘢，一樣冇問題，晚晚爆，每月生意五十萬以上，甜姨姨一年365日都在請人，大家可以去做下兼職，順便偷吓師，佢對面間印度菜間鋪，我老友1000零萬買番來，收50000租，五厘回報，好過什麼bond，而家升左七成，收六皮幾嘢租，費事比人話係無良業主地產霸權，一個月做幾多咖喱，你自己計計數，天后的創業成本低，比老銅平一半，淨係賣幾碗糖水都掂，業主租客雙贏，只要你有heart，有人手，我都未見過一間執笠，被淘汰的一是出品差，二是死位，三是冇問過我呢個天后街坊維園阿伯，呢呢呢，清風街有間賣Yogurt嘅，去年排長龍，今年即使大暑嗰日都拍烏蠅，肯定捱唔過今年，明續。

                              

舊曆七月鬼節前Must Do

近月要搬屋、搬廠、搬寫字樓，又撞正書展，忙到一頭煙，再加上七月份全面出擊港股美股，睇報告落盤，博客更新稍慢，請見諒。

2009年香港書展，我們團隊搞了全港銷量No.1那本Angelababy寫真集出來；2010年香港書展，我們搞了全港銷量No.1那本Christy周秀娜出來；呢兩位美女近年發展大家有目共睹，2011年，呢個全港銷量No.1希望再一次奪得，要靠大家支持十卜，Jeana, Hidy, Teresa, Lina……肯定有一本跑贏，唔係咪好冇Face?

香港書展是全亞洲最多元化的Bookfair，冷門書有、流行文化有，其實參觀人數一早超過100萬人，只是大會刻意噤人數，免得有重大交通、保安、人流管制安排，我只听過噤低股價收貨，噤低出席人數都是第一次听到。

仲有，月底我將會揮淚搬離我長大及成長的天后區，唔做維園阿伯改做太古阿伯，打算撰寫一篇「天后創業秘笈」，呢個區是創業投資的好地方，只是你地唔知。

仲有仲有，有一全新實木單人床連床褥出售，原本買比工人訓，但係最係冇請到工人，此床吸收了天后區天地靈氣，包括天后廟及蓮花宮兩大神舍，包你睡得香甜，訓得白滑，搞得癲狂唔會跌落床，冇人用過 99%新，$500攞走。

洪爺請我食漆生發乳豬飯

通常呢，建議人買邊隻邊隻股票，贏咗呢就唔會多謝你，輸咗呢就會冤Q你，人性就係拱樣，不過喺呢個一年一度嘅香港書展舉行之時，都要出嚟贈一贈慶，多謝阿洪爺Larry哥推介呢隻漆生發Le Saunda比老占，等我可以斬乳豬加餸。

Larry哥推介比小弟之前，對唔住，我真係唔鬼記得佢個Number係乜，鞋股我只知1880，210，Anna嘅九興，對於738，我仲係停留喺八九十年代李強時期，我印象中都仲係得嗰一兩個牌子，幾百間鋪，咁就叫做「全中國」？

李老板用人了得，團隊非常穩定，即使現任靚女CEO都做了18年，上幾任嘅CEO, Executive Director如Danny Lam呀，執董徐愛娟呀，徐群好兩位徐女士都係利信達資深員工，徐愛娟加入前後31年，2001年離開，而46歲徐群好1981年加入，足足做29年，女人半生青春獻了比李生，十分難得，金牌都攞幾個。

另一位開國功臣Christine張是李老板走意大利水時嘅福將，張大姐一直想揾一隻我曾經負責嘅女裝品牌嘅中國區代理，佢當時已經服待李老板十多年，功成身退後自立門戶，但係我又衰，一直冇點騷佢，佢當時已經是Suzuya嘅中國總代理，上個月連呢個日本老牌都摺埋，真係十年人事幾番身。

直到洪爺Larry哥叫我留意下738，OK冇問題，買一些捧吓場，個成日見報嘅靚女CEO原來已經喺738十幾年，唔單止咁，你地各位睇吓下面嘅圖，738真真正正發力是年幾前，現任CEO修成正果，忍辱負重，上任上上任服務廿多年的老臣子當時一個一個離去，無論係自願定係被踢走，相信內裡經歷一次刀光劍影的分齡淘汰賽，上任上上任一定是超保守守舊，少做少錯，唔做唔錯，因為李生搞搞下鞋，又走去搞衫搞牛仔衭，品牌叫Fornari，輸了大錢，以致呢五年八年江山讓晒比一切後進佔曬，而家公司改朝換代，新女上場，能否追回七個馬位呢？

738圖：http://www.finet.hk/mainsite/chart.php?MainType=stock&code=00738&TimeSpan=TIME05

搞中高檔，好多大10倍的公司會踩住你踩死你；搞中低檔，嘥氣啦，一間210達芙妮都玩死你。我食碗叉燒飯己經好開心，家陣洪爺請我加餸食碟乳豬，好味！

今年書展，Larry洪龍荃將會為推出第三本著作「致富開端」。這是一本綜合類書籍，包含了他對股票、樓市、理財、進修，以至是人生的看法。Larry將會在7月21日現身書展，去問佢攞Number啦：

14:00-14:45 新書發布會
19:00-20:00 於銷售攤位與各位讀者交流

http://stock-challenge.blogspot.com/

http://www.facebook.com/hung.larry

老占同學會首個微型活動 ---- 同Rudi路迪涼吹吹水

各位朋友，同Rudi路迪涼約咗成兩年幾嘅聚會終於落實，鐵定於8月27日星期六下午舉行。
由於場地出現問題，原昨夜宣佈的8月20日順延至8月27日，Sorry Sorry，我都系剛剛收到通知，若已經科水又唔得閒8月27日出席，可安排退款，再次抱歉！

主題：

Work, Play, Read and Music

因為唔係 Seminar，主要同大家吹吹水，聽吓歌，懷下七八十年代的舊，Rudi會同大家分享下如何做個開心廣告人，我會講下做品牌、返大陸做嘢嘅喜與樂，又講吓投資衣食住行零售股及讀書嘅心得。總之離唔開生活，希望你有嘢落袋，有骨落地。

人數：

約 70-80人

地點：

Flag Out Creativity Centre

1/F, Grand Business Plaza, 153 Wai Yip St., Kwun Tong, Kowloon

香港九龍觀塘偉業街153號偉業中心一樓 (牛頭角MTR)

http://www.hkflagout.com/

日期及時間：

8月20日星期六下午 3:00pm – 6:00pm

費用：

$100 一位，該筆費用將扣除必要開支（主要是場租）後全數採購月餅及水果中秋前送予老人院，全場提供無幅射無酒精飲料。

報名及付款方式：

為方便統計人數，請以電郵報名，同時直接入數恆生銀行帳號 295-278170-888。請同時將入數紙電郵本人 jimmymastina@gmail.com，收訖後會有電郵確認。

月餅派發事宜：

由本人公司OJim Pacific Limited及旗下慈善基金小組負責統籌，派發當日歡迎義工幫手。去年搞過，有曬經驗！

Rudi Leung路迪涼/老占敬約

                             

民企做不大系列三 ---- 我要買個殼

最近兩三年，幾乎我身邊一切內地朋友，民企老板，土佬富豪司機，煲沙鍋粥的，賣女人底衭的，賣童裝的，洗脚的，個個都話要買一樣嘢，呢個嘢就係「殼」，只要你有一個「殼」，你就可以吊高來賣，減少奮鬥三十年。

美國紐約證交所與NASDAQ近年發展出龐大的中國概念股族群，千里迢迢跨海到美國買「殼」的中國公司，家數已經超過240家。「中國概念」是美國投資人追捧的Sexy對象，中國概念股的總市值，到今年三月，已經突破四百億美元。此外，到香港的、到倫敦的、到德國的、到新加Bore的、到台灣的都有，個個老板週圍揾，邊度有漏洞可鑽，個窿又可以鑽多大？

呢啲公司一般都係老鼠尾生瘡，大極有限，因為真真正正的龍頭企業都在香港掛牌，而家美國出事，不少老板又跑去台灣望望，但這批雜牌軍也不能小覷，因為他们可都是血統純正的內需十二五概念股，而且目標市場都鎖定在三四五線城市，例如：阿廸王、左岸、金萍果等等，呢批你肯定未听過的民企，台灣有度好，就係PE高，易炒上。

目前這一波企業有一個共通點，就是都以內需市場為主，研發比重高於制造，這些都是抗匯率波動很好的資產。細分下再可分為純內資或者台資加陸資，他們收的是人仔，不怕亞洲區貨幣升值波動，他們都是R&D為主的公司，一般毛利率較高，相對外銷型導向的低毛利制造業(例如：2038富士康)更有錢景。其次，在兩岸經濟合作架構協議ECFA之下，國際公司看到台灣在區域經濟上的新角色，尤其是日本的中小企更願意和台灣的中小企合作進攻大陸，因此這類股票我可以收埋食，而不被大眾傳媒唱到週街知，見光死。因此過去6個月我曾向基金會員推介360, 2398, 482。

但是，亮麗的中國概念股卻爆發假帳風暴，特別是159家在美國紐約證交所與那斯達克上市的中小型「中國借殼股」全面崩潰。從今年三月至今，已經有18家中國公司被NASDAQ與紐約證交所停牌，四家遭到勒令下市。無在美國或本港上市的中小型中國概念股突然全面崩潰，中國泡沫的破滅，會不會就從美國開始呢？

這些公司最叻就係財務報表作假，乜都係假，引發美國股東發起大規模的訴訟，會計師紛紛自動請辭，公司CFO逃跑或辭職，美國國會、會計監管委員會、證監會則啟動史無前例的調查。六月初，包括富達在內的多家大型券商，將130多家中國概念股列入黑名單，停止對這些公司的股票交易。

中國上市公司財報造假的問題，並不是新聞。早在去年八月，著名的財經權威周刊Barron's就已經以「小心中國出口品（Beware this Chinese Export）」為題專文報導。大量借殼上市中小型股崩潰，也拖累市場對中大型績優中國概念股的信心。剛上市不久的中國網路股如人人網(大陸的Facebook)、優酷網(大陸的YouTube)、當當網(大陸的Amazon)紛紛重挫，出現一天暴跌10%的跳水走勢。

這些具有強烈「中國特色」的金融操作，充滿了開創性，不畏法規與客觀環境的限制，衝刺的力度極強，卻也大量使用了令人質疑的灰色手段。這些灰色手段，猶如黑心塑化劑及三聚氰氨，將原本賣相不佳的產品，以低廉的成本轉換成為高檔貨。
這樣的操作，在大陸與美國之間形成了產業鏈，產業鏈的源頭是熟悉金融操作的Agent/ibanker，他們在中國各地找原料，通常是業績不怎麼樣的企業，煲沙鍋粥的，賣女人底衭的，賣童裝的，洗脚的，只要花三百萬元人民幣，加上7 -- 8%的股權，就可以買到美國那斯達克OTCBB（場外櫃台交易系統，又稱「布告欄市場」）的殼，將來如果成功轉入主板，再比多兩球人仔。這筆錢，對於這兩年資金寬鬆的國營或大民企來說，比從銀行借貸出來更Easy。我听過最快的，60日搞掂，仲快個徐子淇生仔。

你要唔要買個殼？我手頭上有幾個「風吹雞蛋殼」，好正。