總瀏覽量

2013年2月6日

中文大學分享會全文



吾二月五日獲邀到香港中文大學新紀元行政管理精英學會分享,謹此向會長及同學仔致謝,以下是全文,由於時間及現場條件所限,內容百分之五十都冇提及,現刊登全文如下:

各位

多謝主持人的官方介紹,下面是非官方的。

「早幾個禮拜同我老母飲茶,佢問,阿仔,你究竟做乜嘢?成日聽你講一千幾百萬咁上落,又成日飛,又成日返大陸,你係咪幫人洗黑錢?乜你地吾係做廣告公司嘅咩?」

「唉!講你都唔明,我地呢行......(下刪五千字)飲茶食叉燒包啦老媽子!」

是的,我地呢行上世紀係叫做廣告,但是而家我地做嘅嘢,唔可以單純叫佢做廣告,因為,呢兩個字好out,我地做嘅嘢幾年前是不存在的,有啲人呢啲嘢做品牌,Branding,「品牌」這兩個字又很沉重。中央二台有一個節目名為「品牌」中國,太大,我孭唔起,連按摩、足浴、桑拿也要「品牌」化,又好似冇一門職業叫做品牌人?有啲人叫呢啲嘢做營銷,Marketing,Marketing是幫老細花錢的,但我實實在在幫好多老細搵大錢喎!有啲單位又叫自己做Social Media,咁究竟係乜?我自己都唔知道,所以,姑且叫番做廣告先。

所以,各位同學,今天各位學嘅嘢,四五年後可能完全變曬,甚至冇用,我舉個例子來說明,我們幫中國政府幾個城巿,包括杭州及成都,做佢地嘅Social Media Project,是國家級任務,以金額計,是目前中國最大的單一城市網上推廣,我們的任務是向全球西方世界宣傳該城市,我們要用Facebook Twitter Instagram Pinterest Youtube iPhone iPad SEO SEM及網頁推廣一個城市的品牌。我好肯定同負責任咁講,呢啲項目,五年前是不存在的。

大家知唔知道第一台萍果iPhone是那一年面世的?是2007年,五年前,有誰想到可以用一部手機去宣傳一個城市?五年後,中東的老百姓甚至可以用手機推翻一個政權,一個國家?



至於其他我們的客戶及中小企品牌就不用再提,好多都是什麼500强、國企民企,上市公司等等等等。

我們這一代,受嘅是最正統的廣告訓練,大中華及亞洲是我的工作舞台,我一直比較幸運,有機會與兩岸三地的精英一起創造歷史。廣告業界有所謂煎釀三寶,即係電視、報紙及地鐵廣告,以前,要做廣告,呢三味就夠,而家?要好似打邊爐咁,要放題,乜都要有,英文叫Integrate,中文叫三轆拎,要搵一個人,一個團隊,精通各樣十八般武藝,是非常非常難,而且仲要了解客戶心態,瞭解人性,了解國情。

外面的人看這個行業,中產而有趣,志明與春嬌的男主角永遠是廣告佬,看來幹廣告、品牌真有吸引力。這些朋友大多只是通過這個大眾媒體來瞭解我們,的確,這裡經常充滿了關於Fame and Glory、雪茄、美酒、情色誘惑、吃喝玩樂旅行,聽起來好像又高雅還有趣。但拋開個人情趣和喜好不說,這也只是職業生活的一部分。

在座的都是九十後,香港集思會最近做了一個調查,訪問了1000多位年輕人,調查結果很有趣,佢地話工作唔係咁為錢,而且佢地話,唔上網會死!而我的工作經常要同八十後,九十後打交道,也逼使我這個六十後要與時並進,很多從內地過來香港的同學都是尖子,這班朋友將會是你地未來最大的競爭對手。所以我一直建議年輕人要跨,唔係浮誇個誇,是跨地域、跨媒界、跨行業,未來,跨界領袖是最吃香的。

這個世界從來就是不平等的,要生存,就必須要尋找方法和 fight for what you want,與時並進,生命是一個不斷痛苦蛻變的過程,如果沒有經歷過職業上的壓力,不會有真正的成長,我從來冇認真去計劃我的Career Path,從來亦冇遠大的計劃,雖然我心底裡好想拯救地球、反清復明、甚至推倒梁振英。我只知道,用心做好每一樣小事,積少成多,始終是有回報的。

最後,賣下廣告先,過年後我會在信報多開一個Column,除原有的信報月刊及老占的博客,有不同的主題及內容同各位分享。多謝各位。


(全場200人教職員同學起立鼓舞,對唔住,無,But,anyway,多謝您們支酒!)

2 則留言:

  1. 年后的信报专栏,占Sir也要能贴到博客就贴过来啊,多谢啦!

    回覆刪除

注意:只有此網誌的成員可以留言。