總瀏覽量

2018年1月14日

Disruptive Series 3 ---- Tesla破地獄,要靠德國喃嘸師傅Aumann

細個玩過模型四驅車的朋友,一定有朋友試過改裝摩打,係人都知,銅線圈捲得越多,個摩打就越快,捲得越緊,用電就越有效。於是成班細路就去捲銅線圈,架四驅車快到飛出軌道,你先發現雙星唔比你用改裝過嘅摩打打比賽。

Tesla創辦人Elon Musk去年11月在自己的Twitter上邊寫上:「我們深陷生產地獄(Production Hell)。」地獄問題主要來自Iron Man一向堅持自己做、自己製、由車殼組裝都一手打造,目前產能只能夠集中在加州費利蒙廠。

去年Tesla的銷量只不過是76,000輛,如今接單暴增六倍,在50萬輛的訂單中,價亷的Model 3就佔了七成。

大個左你先知道,你部Tesla電動車 Model 3同四驅車一樣,線圈捲得越靚就行得越順,德國公司Aumann正是電動車核心技術捲線圈(Coil Winding Technology)的典範,公司凈係賣捲綫圈的機器,幫車廠捲線圈,Tesla冇咗Aumann唔得。

Tesla的捲線師父仲要用人手拉銅線的時候,Aumann已經全面自動化,賣部機器比你,發發聲捲幾嘢,2016年就做左1.5億歐羅生意,仲有42%毛利同12%純利,估計2017年仲做到2億歐羅生意。

Aumann自動化捲線圈技術(Direct Winding Technology),比起傳統做法,用少50%銅線,少30%電金屬板,減少20%佔用空間,仲增加左電池接觸率同加快散熱,即刻提升電動車的效能。

Elon Musk當然想快啲攪掂條生產線,不過好多嘚急都急唔來。因為Tesla雖然係自動化生產,但係最重要嘅摩打部份,依然需要師傅人手製作拉銅線、綁銅線,耗時,耗人力,出品慢,簡直浪費生命,燒錢加劇。2016年明明賺緊2190萬美元,偏偏2017年第三季就蝕了61900萬美元。


目前位於加州的廠房每年只能生產100,000Tesla,但2018年要生產500,000部先滿足到市場需要,201711月底又推新款Roadstar及電動大卡車出來,2020年一百萬部先夠賣。試問而家嘅生產速度,又邊度滿足到市場?大佬,你搞掂條生產線先啦。深陷地獄的Tesla目前的確很難預測解決生產瓶頸,目前預計至2018年第一季末時每週生產5,000Model 3轎車,但去年第三季僅生產260Model 3,早已甩曬期。過去兩年,Tesla自動化捲線圈技術就只有靠Aumann頂住,是汽車界人所共知的事實。

2017924日,兩年一度的德國法蘭克福車展閉幕,這一場已經有120年歷史的全球最重要車展,新亮相的概念車,已經見唔到傳統柴油、汽油車,各大車廠展出的新車,唔係自動車就係油電混合車,宣告汽油車時代的終結。

電動車市場佔有率全球第一的挪威,在八年之後就全面禁止汽柴油車;印度計劃在2030年後;英國和法國計劃在2040年後全面停售汽柴油車中國政府亦開始研究時間表,正在推動20年前有500輛電動車上路。

歷史上出現過幾次重大的工業革命,締造了幾倍的經濟成長數據,千億商機,車廠別無選擇,目前全球各行各業醞釀的「工業4.0」,是否真的能帶來第四次工業革命的長遠效益?我想是非常樂觀的,因為數據、事實、跡象正是如此。


「工業4.0」這一個字,2011年首度在德國漢諾威工業博覽會出現,兩年之後正式成為德國政府的核心政策,眼見德國投下火種,世界列強開始群起效尤,第四次工業革命從此席捲全球。汽車工業是德國的經濟命脈,「工業4.0」從概念到實踐,在汽車業首先動起來,許多應用場景逐漸浮上枱面。降成本,尋找新夥伴的同時,一些老牌供應商的機會來了,其中Tesla的供應商之中Aumann最有指標性,其他電動車品牌並不會刻意講供應商是誰,關注度無Tesla咁高。

德國企業99%是中小企規模,在德語世界裏稱為「Mittelstand」。超過330萬間中小企,僱用全國六成的勞動人口,佔德國GDP一半,Aumann賣捲線圈技術已經超過80年,佢地座右銘係:「無論邊個賣電動車,佢都要買我嘅機器(No matter who will prevail in the e-mobility revolution, they will need Aumann’s machines)」。早於1985BMWBenz就已經搵佢買機器,之後航空、鐵路、農業、綠色科技等等行業相繼搵佢買,Volkswagen、波子、AudiGMBOSCHRolls Royce、福特、波音、海爾、AirbusMiele、西門子都係佢嘅客。今年輪到Tesla同比亞迪排住隊搵佢捲線圈。

Aumann一年做2億歐羅生意,去年10月收購埋做自動化生產,一年做7000萬歐羅生意的USK,兩間公司加埋都未請到1000人。德國企業不想賺快錢,一件德國廚具可以用三代,他們只會著眼於長遠成功。德國人就有德國人的浪漫,你估真係請多10倍的師父返嚟?你請得切,啲師父都Train唔切啦。

Aumann股價20172月上市一股42歐元,半年後已經升至77歐元。上市之後就會係中國內地同北美開廠,由德國鄉下做到全球生意。

雖然Tesla銷量不到GM通用汽車的1%,但市值卻一度超越GM。市場不是用一家汽車製造商的角度來評價Tesla,它的價值就像車廠+石油公司+Utility油電公共事業+加上工業4.0


Tesla要破地獄,點可以少得了德國喃嘸師傅?早日離開地府,進入輪迴,Aumann(阿們)

本文得以完成,多謝我的Researcher Leo and Double A。

沒有留言:

張貼留言

注意:只有此網誌的成員可以留言。